Иранското Министерство за здравство воведе задолжително за сите возрасни групи да се вакцинираат со четврта доза вакцина против КОВИД-19, јави ДПА.
„Сите треба да се вакцинираат со четврта доза во блиска иднина за да можеме да продолжиме да ја контролираме пандемијата во земјата“, рече заменик-министерот за здравство Камал Хејдари. Со овој чекор земјата има за цел да постигне имунитет до 95 отсто од населението, додаде тој.
Досега, Иран бараше втора бустер инјекција само за луѓе постари од 70 години. Пандемијата КОВИД-19 беше особено тешка во Иран до средината на минатата година. во август минатата година, дневниот број на смртни случаи надмина 700, а бројот на заразени над 50.000. Меѓутоа, како што кампањата за вакцинација зема замав, ситуацијата сепак се смири. Во моментов, повеќе од 64 милиони луѓе во земјата со околу 84 милиони жители се вакцинирани со најмалку една доза, а речиси 58 милиони се вакцинирани со две дози.
Иранското Министерство за здравство денеска објави шест нови смртни случаи и 185 нови инфекции. Вкупно 140.000 смртни случаи се поврзани со коронавирусот, а повеќе од 7 милиони луѓе се заразени во земјата од ширењето на болеста во февруари 2020 година.
