Основното јавно обвинителство Скопје отвори истрага против двајца браќа на возраст од 43 и 44 години, осомничени за обид за убиство како соизвршители.
Според обвинителството, инцидентот се случил на 6 јуни во близина на авто-плац во селото Шишево.
Сомнежите се дека браќата, по претходна расправија поврзана со сообраќаен инцидент, со пиштоли го чекале оштетениот и неговите придружници.
Еден од осомничените испукал два куршуми, при што го погодил братот на оштетениот во главата и ги довел во опасност и другите две лица кои биле на местото.
Обвинителството побара определување мерка притвор за двајцата осомничени, поради опасност од бегство, можност за влијание врз сведоци и ризик од повторување или довршување на кривичното дело.