По повод убиството на малата Вања од Македонија, основачот на фондацијата „Тијана Јуриќ“, Игор Јуриќ за ТВ ПИНК изјави дека како татко чија ќерка доживеала слична судбина бил многу потресен, како и дека следел се што се случувало од ден на ден.
„Како човек кој денес води организација која се занимава со исчезнати деца, исчезнати лица, она што особено ме потресе е тоа што ја добивме информацијата дека таткото е вмешан во тоа“ – рече Јуриќ.
Тој додава дека толку многу сакал да испадне дека не е вистина. Како што вели, не може да најде зборови ниту разбирање за таков гест.
„Ако зборуваме за родител кој го изневерува своето дете и го продава на таков брутален начин, тогаш тоа е нешто што не само што не може да се прости, туку мора да се казни“ – рече Јуриќ.
За жал, вели тој, сведоци сме дека има луѓе кои се подготвени да ги жртвуваат своите деца и немаат пречки да добијат некаков бенефит.
„Мислам дека Македонија треба да размисли за воспоставување подобар систем за потрага по исчезнати деца“ – рече Јуриќ.
На својот Твитер профил претходно изрази сочувство до семејството и порача:
“Ова не требаше да се случи. Кога станува збор за криминални киднапирања, очекуваниот животен век на детето е во просек 4 часа по киднапирањето. Затоа е важна брзата потрага. Нека размислат добро земјите од регионот за подобрување на потрагата систем за исчезнати деца. Сочувство до семејството“, напиша Јуриќ.
https://a1on.mk/region1/kaj-kriminalni-kidnapiranja-ochekuvaniot-zhivoten-vek-na-deteto-e-vo-prosek-4-chasa-se-oglasi-tatkoto-na/?fbclid=IwAR18SkdzvR8rdaH6sejoHg5dYgDK2MTH5Gd8kkc6CG8hA9uGUmN_fmJL0QM
Во околината на Скопје е пронајдена мртва Вања Горчевска (14) по која цел Балкан трагаше речиси една недела. Таа била киднапирана пред влезот на станот во понеделникот, на 27 ноември, околу 07:20 часот, кога одела на училиште, а како што се испоставили истата ден била убиена.
Полицијата соопшти дека во киднапирањето учествувал и нејзиниот татко.