Струга, градот кој се наоѓа на брегот на Охридското езеро, освен граѓаните од земјава, се повеќе ја посетуваат и странски туристи. Струга има убави плажи а тие се главната причина за привлекување на посетителите. Сретнавме неколку туристи од Белгија. Тие велат дека Струга е убава на редок начин.
Во Струга може да се летува и за малку пари, но обичните граѓани не можат да си дозволат хотелско сместување. Никола Матовски, капетан на брод вели дека цените во Струга се слични со тие во Грција и Албанија. Тој е против градежните работи во градот токму во туристичката сезона.
ТВ21 ја сними реката Црн Дрим во која може да се забележи нечистотија, а околу реката клупите се оштетени. Градоначалникот на општина Струга, Рамиз Мерко вели дека за чистење на Црн Дрим побарале финансиска помош од Владата.
Инаку, во текот на туристичката сезона во Струга се издаваат луксузни соби, со бања, тераса и телевизор, во приватниот сектор, кои чинат 15 евра, а исти такви од пониска категорија може да се најде и за 10 евра. Во екот на сезоната овие цени може да бидат и малку повисоки, но не надминуваат 20 односно 15 евра.
РЕПОРТЕР: АФРИМ ЈОНУЗИ