Генералштабот на украинските вооружени сили денеска соопшти дека руската армија продолжува да се обидува да ја интензивира офанзивата во неколку сектори на фронтот во источна Украина и дека извршила ракетни и воздушни напади врз инфраструктурата на земјата, пренесе АП.
Според Родион Мирошник, портпарол на сепаратистичката Луганска Народна Република, околу 8.000 украински војници веќе се заробени од сепаратистите во Доњецк и Луганск. Според него, бројот на затвореници се зголемува за „стотици“ секој ден. Наводите на Мирошник не можат да бидат потврдени од независен извор, забележа АП.
