Првата жртва на топлотен удар е забележана на Кипар каде се уште преовладуваат условите за топлотен бран.
Станува збор за 90-годишен маж кој живеел во дом за стари лица .
Настраданиот бил примен во Општата болница во Никозија, каде било констатирано дека се работи за топлотен удар, но, и покрај напорите, тој починал.
Властите на Кипар информираат дека во моментов се хоспитализирани уште две лица, 77 и 78 години , кои имаат слични симптоми, но се истражува дали станува збор за случаи на топлотен удар.
Во секој случај, надлежните ги советуваат граѓаните да бидат повнимателни.