Германскиот претседател Франк-Валтер Штајнмаер им се придружи на светските лидери кои и оддадоа почит на британската кралица Елизабета Втора, која почина вчера, објави Ројтерс.
„Кралицата беше жена која го обликуваше овој век. Таа беше сведок, но и автор на модерната историја“, рече Штајнмаер.Шпанскиот премиер Педро Санчез изјави дека изразил сочувство до кралското семејство, владата и народот на Велика Британија и Комонвелтот на народите. Елизабета Втора „била личност од глобално значење, сведок и автор на британската и европската историја“, додаде тој.
Чешкиот премиер Петар Фиала изјави дека е „длабоко тажен поради смртта на нејзиното височество“.
„Кралицата со децении го отелотворуваше сето она што ја направи Британија навистина голема и таа ќе им недостига на Полска и на светот“, рече полскиот претседател Анджеј Дуда.
Потпретседателот на ОАЕ, шеикот Мохамед Бин Рашид Ал Мактум рече дека „се придружува на целиот свет во жалост за смртта на нејзиното височество, (која беше) пример низ целиот свет за квалитетите на нејзината земја и народ“.
Џасинда Ардерн, премиерката на Нов Зеланд, рече дека зборува во име на целиот народ на земјата во изразувањето на своето искрено сочувство. „Се сеќавам кога првпат ја запознавме кралицата нејзиното длабинско знаење за Нов Зеланд, триумфите и предизвиците што претстојат“, рече таа.
Пакистанскиот премиер Шахбаз Шариф изјави дека е „длабоко тажен поради смртта на кралицата“.
Нана Акуфо-Адо, претседателката на Гана, потсети дека „народот на Гана има многу длабоки сеќавања од двете посети на кралицата на земјата и таа ќе биде запаметена по елеганцијата и задоволството со кое ги извршуваше своите должности“.