Литванија ќе купи 18 хаубици од Франција, со што ќе продолжи да ги зајакнува своите вооружени сили поради руската војна против Украина.
Купувањето на француските хаубици „Цезар Марк II“ го договорија литванскиот министер за национална одбрана Арвидас Анушаускас и неговиот француски колега Себастиен Лекорно за време на неговата посета на Париз.
Новите француски хаубици се уште се во развој. Литванија ќе се приклучи на програмата за нивно развивање, соопшти литванското Министерство за национална одбрана.
Хаубиците од 155 мм поставени на камион ќе ги заменат старите хаубици кои имаат помал домет и ќе бидат испорачани во Литванија до 2027 година.