Велика Британија ги замрзнува даноците за алкохол најмалку до август 2023 година, изјави министерот за финансии Џејмс Картлиџ, цитиран од Би-Би-Си.
Одлуката ја поништува мерката објавена пред два месеци од министерот за финансии Џереми Хант за делумно укинување на зголемените даноци за алкохол. „Разбираме дека бизнисите се соочуваат со тешкотии и несигурност поради зголемените цени на енергијата и инфлацијата, и треба да го земеме тоа предвид“, рече Картлиџ.
Покачувањето на даноците би додало 7 p на секоја половина литар пиво и 38 p на шише вино.
Уште во август, Хант посочи дека даноците за алкохол треба да се зголемат и го повтори ова мислење во октомври како министер за финансии.
Производителите на виски изразија незадоволство и најавија дека порастот ќе ги поскапи нивните производи во просек за 12 отсто или 1,35 фунти по шише.
Данокот на алкохол во Велика Британија се менува секоја година за да биде во чекор со инфлацијата, но од 2013 година или се намалува или замрзнува секоја година, објави Би-Би-Си, повикувајќи се на БТА.
Министерството сега го замрзнува до август 2023 година, кога треба да стапи на сила новиот систем за пресметување на даноците за алкохол.
Со него се предвидува намален данок за сите пијалоци со содржина на алкохол под 8,5 отсто, како и рамен данок од 12,5 отсто за вината со содржина на алкохол меѓу 11,5 и 14,5 отсто.
Новите даноци треба да важат од 1 август 2023 година до 1 февруари 2025 година.