Францускиот претседател Емануел Макрон ќе го одложи патувањето во Тирана, каде што ќе се одржи самитот за Балканот , по терористичкиот напад во францускиот Арас во кој загина наставник и поради ситуацијата на Блискиот Исток , соопшти денеска Елисејската палата. Сепак, тој ќе пристигне попладне во главниот град на Албанија .
Францускиот претседател се очекуваше утре изутрина во Албанија да учествува на деветтиот самит на Берлинскиот процес, кој ги собира лидерите на Западен Балкан и неколку европски земји за промовирање политички дијалог, соработка и помирување во регионот, како и приближување со Европската унија , објави „Фигаро“.
– Имајќи го предвид националниот и меѓународниот контекст , тој во албанската престолнина ќе пристигне дури во понеделник доцна попладне, за билатералниот дел од посетата, која ќе трае до вторник – соопштија од француското претседателство. До неговото пристигнување, Франција на самитот ќе ја претставува државниот секретар за Европа, Лоренс Бун .