Министерот за правда Бојан Маричиќ кажа дека попишани се 1,9 милиони граѓани. Пописот заврши вечерва во 20 часот.
„Задоволен сум што успеавме да го завршиме пописот, и покрај сите проблеми“, истакна Маричиќ, додавајќи дека се попишани околу 1,9 милиони граѓани.
Тој упати честитки до Државниот завод за статистика.
-Честитки до Заводот за статистика, бидејќи направија максимални напори повеќе пати да отидат на некои места и да ги убедат граѓаните да се попишат. Навистина е мал бројот на граѓаните кои не се опфатени или одбиле да се попишат. Тие кои не се опфатени, ако ги има, се на граница на статистичка грешка и тоа се случува во речиси сите држави – рече Маричиќ на Канал 5.
Државниот завод за статистика во 21:30 часот ќе одржи прес-конференција.
