Насилникот на нападот со мачета врз две цркви во шпанскиот град Алхесирас денеска е обвинет за тероризам и е испратен на прелиминарно апсење, пренесоа светските агенции.
Напаѓачот е идентификуван како Јасин Кањаа, 25-годишен Мароканец. Во моментот на нападот бил свесен што прави и имал намера да нанесе голема штета.
Мароканецот не е поврзан со терористичка организација, но неговите постапки се инспирирани од идеите на џихадизмот. Со своите постапки тој имаше за цел да го дестабилизира јавниот ред и поради оваа причина треба да биде сфатен како терористички чин, соопштија шпанските власти.
Во нападот минатата недела, Кањаа уби црковен службеник и рани четворица други.