Девет лица се приведени по жестока тепачка што се случила ноќеска на Осломешка крстосница во Кичево, во која биле употребени ножеви и дрвени предмети.
Инцидентот се случил околу 01:30 часот, кога повеќе лица влегле во меѓусебна физичка пресметка. Според информациите, во тепачката две лица се здобиле со расекотини и повреди.
Полицијата интервенирала и неколку часа подоцна, околу 03:40 часот, привела деветмина учесници. Станува збор за млади лица од Прилеп, Битола и Кичево, кои биле лишени од слобода од страна на полициски службеници од ОВР Кичево.
По целосно расчистување на случајот, надлежните најавуваат соодветни пријави против сите инволвирани лица.