Висок руски функционер и поранешен претседател Дмитриј Медведев изјави дека Москва мора да биде подготвена за можни агресивни акции на НАТО, пренесе руската новинска агенција ТАСС.
Медведев, кој сега ја извршува функцијата заменик-претседател на Советот за безбедност на Русија, рече дека военото зајакнување на границите на НАТО со Русија повеќе не е само говорна фигура.
Минатата недела тој го предупреди НАТО дека Русија, доколку Шведска и Финска се приклучат на алијансата, ќе распореди нуклеарно оружје и хиперсонични ракети во нејзината европска ексклава.
Пред да ја започне инвазијата, Русија побара НАТО да се воздржи од какво било идно проширување, но војната доведе до распоредување на повеќе сили на НАТО на нејзиното источно крило.
