Итно распуштање на парламентот и распишување на предвремени парламентарни избори побара лидерот на ВМРО-ДПМНЕ Христијан Мицкоски. Според него, не држат вода тврдењата на премиерот Заев дека ова ќе биде економска година, па нема потреба од избори за да не се прекинел континуитетот на економските политики и реформи. Смета дека оваа Влада доживела економско фијаско, СДСМ значително потфрлиле, капиталните проекти имале слаба реализација, даноците не се собирале со предвидената динамика, а корупцијата била вгнездена во администрацијата.
