Зара од утре ќе ги затвори сите свои 502 продавници за облека во Русија, соопшти нејзиниот сопственик Индитекс.
Глобалниот моден бизнис ќе ги затвори сите продавници на своите осум брендови: Zara, Pull & Bear, Massimo Dutti, Bershka, Stradivarius, Oysho, Zara Home и Uterqüe.
Индитекс изјави за Би-Би-Си дека подготвува план за поддршка на своите 9.000 вработени со седиште во Русија додека услугите се „привремено“ суспендирани.
Во меѓувреме, Samsung – водечки снабдувач на паметни телефони во Русија, пред Xiaomi и Apple – ќе ги прекине испораките во земјата „поради актуелните геополитички случувања“.
Не е јасно дали продавниците на Samsung ќе се затворат.
И компанијата за онлајн плаќања Paypal, исто така, ги затвори услугите во Русија, осудувајќи ја „насилната воена агресија“ на земјата. Се вели дека ќе поддржува повлекувања „на одреден временски период“.
Украинските владини претставници го повикуваа PayPal да ја напушти Русија и да им помогне во собирањето средства.