Мцкоски: ВМРО – ДПМНЕ нема да поддржи промена на Уставот без писмени гаранции за тргање на бугарското вето

Лидерот на опозициската ВМРО-ДПМНЕ, Христијан Мицкоски денеска во изјава за медиумите посочи дека министерот за надворешни работи Бујар Османи продолжувал да не ја говори вистината и да го манипулира народот, бидејќи тоа што се слушало од Софија е дека сигурно ќе нема преговори. „Единственото нешто кое што може да се случи е да се случи прва меѓу владина конференција“, вели Мицкоски. Тој појасни дека таа прва меѓувладина конференција е „фолклор, односно настан без суштина“. „Ќе се сликаат претставниците на Европската Комисија и на македонската влада, и тука завршува се. Нема да почнат преговорите се додека целокупната преговарачка рамка, ние не ја испочитуваме, а во таа преговарачка рамка ќе бидат вклучени барањата од страна на Бугарија, вклучително и интервенцијата во македонскиот Устав“, рече Мицкоски. Тој потенцира дека ВМРО-ДПМНЕ нема да ги поддржи тие промени во македонскиот Устав, бидејќи за тоа се потребни 2/3, токму поради тоа што нема никаква гаранција дека со тоа се затвораат сите отворени прашања помеѓу Македонија и Бугарија, и дека до самото членство на Македонија во ЕУ, нема да имаме повеќе вакви хегемонски барања од страна на политичарите.