Ноемвриските празници се ближат, а Музејот на албанската азбука е “завиткан“ со оваа зелена ограда.
На деновите кога се празнува албанската азбука, музејот од внатре е разрушен. Се поставува струја, нови плочки, а се менува и надворешната фасада.
Директорот на музејот, Неур Аслани рече дека имаат имотно – правни проблеми со дел од музејот кој е под ингеренции на општина Битола.
Во Битола е отворен конзулат на Албанија со кој ќе раководи Имер Селмани. Во истиот објект се конзулатите на Србија и Романија.
Во деновите што следат ќе се одржат настани кои ги организира Институтот за духовно и културно наследство на Албанците.
Инаку денеска Битола ја посетија професори, академици и политичари кои прошетаа низ плоштадот на Битола.