Денеска во кочанското село Зрновци, било пронајдено тело на почината жена, информираат од Министерството за внатрешни работи.
Според првичните информации, телото било забележано околу 10:40 часот на локација викана Ѓошевски орев, во близина на Зрновска река, при што се наоѓало во фаза на распаѓање. Веднаш по пријавата, на местото излегле надлежните служби и започнале активности за расчистување на случајот.
Од Основното јавно обвинителство Кочани соопштија дека идентитетот на починатата засега не е утврден. Јавен обвинител врши увид на терен, а ќе биде наредена и обдукција со цел да се утврдат причините за смртта, кои во овој момент остануваат непознати.
Истрагата продолжува, а надлежните апелираат до јавноста да не се шират непроверени информации сè додека не завршат официјалните постапки.