Утринава во Македонија се измерени ниски температури, при што најстудено било на Попова Шапка и во Берово со -2 степени. Температура од 1 степен е регистрирана во Маврови Анови, Крушево, Ѓуриште и Демир Капија, додека 2 степени се измерени во Лазарополе, Охрид, Струмица, Битола, Крива Паланка, Штип и на скопскиот аеродром Петровец.
Во Претор се измерени 3 степени, во Кавадарци и Тополчани 4, додека 5 степени имало во Тетово, Прилеп, Пожаране и Гевгелија. Најтопло утринава било во Куманово и Виница со 6 степени, како и во Скопје-Зајчев Рид и Велес каде се измерени 7 степени.
Снежна покривка има само на Попова Шапка, каде во 7 часот се измерени 57 сантиметри снег.
Во текот на денот времето ќе биде променливо облачно со подолги сончеви периоди. Ќе дува слаб до умерен ветер претежно од северен правец, а максималната температура ќе се движи во интервал од 13 до 20 степени.
Во Скопје се очекува слично време – променливо облачно со слаб до умерен северен ветер, додека дневната температура ќе достигне до 20 степени.