Во училиштата во Белград по утринава трагедија во ОУ „Владислав Рибникар“ откажана е попладневната настава, соопшти министерот за образование Бранко Ружиќ.
Поради трагедијата во Основното училиште „Владислав Рибникар“ во попладневните часови нема настава во белградските основни и средни училишта. Во училиштето ќе има само дежурен персонал.
Утре наставата ќе се одвива според планираното. Од петок во целата земја ќе биде прогласена тридневна жалост, најави Ружиќ.
Потсетуваме, во основното училиште „Владислав Рибникар“ во центарот на Белград – ученик пукал во ученици, наставник и обезбедување. Министерството за внатрешни работи на Србија потврди дека загинале осум ученици и еден чувар, како и дека се ранети шест деца и еден наставник.