Лидерите на западната воена алијанса НАТО се согласија да ја зајакнат својата одбрана на истокот како одговор на руската инвазија на Украина.
„Ги активиравме одбранбените планови на НАТО, распоредивме елементи на силите за одговор на НАТО и поставивме 40.000 војници на нашето источно крило“, објавија тие во заедничката изјава по разговорите во Брисел.
Шефот на Алијансата Јенс Столтенберг претходно изјави дека четири нови борбени групи ќе бидат испратени во Словачка, Унгарија, Бугарија и Романија.