Поврзи се

Македонија

Не е постигнат растот од 2,8%, професионална администрација за подобра економија

Економијата не го постигна предвидениот економски раст од 2,8%. Бизнисмените ја лоцираат вината во намалениот број на инвестиции, непрактичните бизнис проекти и непрофесионализмот во јавната администрација. Според Северозападната комора, за да се подобри економијата, најпрвин треба да се искорени партиската администрација.

„Реформите во јавната и државната администрација треба да бидат првиот чекор кон економскиот и социјалниот развој на земјата. Затоа мислиме дека треба да има преструктуирање на јавната и државната администрација, назначување на квалитетен и непартиски кадар. Ова е важно бидејќи економските активности зависат од нивото на ефикасност на администрацијата за да се добијат подобри резултати“, вели Неби Хоџа од Стопанската комора на северо-западна Македонија.

Статистиката покажува дека најголемо учество во БДП за 2018 година имал Скопскиот регион со 43%, а најмало Североисточниот. Од комората го посочуваат нерамномерниот регионален развој како е еден од најголемите проблеми.

„Не може Македонија да има рамномерен регионален развој со фиктивни или провизорни начини да направи. Без суштинска децентрализација, вертикална и хоризонтална и без никакви предрасуди дека ако се децентрализира  дел од ингеренциите ќе се префрлат кај локалната власт, не може да има. Уште повеќе ќе се концентрира населението во скопскиот регион“, изјави Џемаил Даути од Стопанската комора на северо-западна Македонија.

За наредната 2019 година, од Северозападната комора очекуваат зголемен број на инвестиции со фокус на најголемата индустриска зона Визбегово која учествува со 3,4% од БДП.

Инаку, според индексот за глобална конкурентност за 2018 година, од 140 држави, Македонија е рангирана на 84 место.

РЕПОРТЕР: ДАНЧЕ АЗМАНОВА

Извор: ТВ21

Реклама
Реклама
Реклама
Реклама
Реклама
WP2FB Auto Publish Powered By : XYZScripts.com