Не се исклучува и опцијата за онлајн настава доколку продолжат дојавите за бомби низ училиштата во Македонија.
Ова го истакна министерот за образование Јетон Шаќири, кој додава дека онлајн настава сепак не е решение на проблемот бидејќи учениците повторно ќе треба да се вратат во училиштата и очекува сторителите да бидат откриени.
„Затоа инсистирам докрај за физичко присуство на настава и побрзо да се најдат виновниците на лажните дојави за бомби“, изјави Шаќири.
Претходно, Шаќири истакна дека училиштата сами ќе треба да одлучат како ќе ги вратат изгубените часови.