Невреме пропратено со силен ветер, дожд и грмежи вечерва ја погоди Србија. Делови од Војводина и Белград се без струја, а невремето предизвика штети на повеќе места.
Како што соопштија од РХМЗ, невремето се движи кон истокот на земјата.
Поради крајно неповолните временски услови во Белград, дојде до привремено затворање на белградскиот аеродром, поради што можно е некои летови да бидат пренасочени на алтернативни аеродроми, да има доцнење, па дури и откажување на некои летови кои беа планирани во текот на вечерта и ноќта, соопшти авиокомпанијата „Ер Србија“.