Кондомите од денеска се бесплатни во аптеките низ Франција за лица до 25 години. Мерката што ја воведе владата на Емануел Макрон има за цел да ја намали несаканата бременост и сексуално преносливите болести, јави ДПА.
Првично, мерката требаше да важи за лица на возраст од 18 до 25 години. Но, програмата беше проширена по критиките дека не се вклучени малолетници. Од една година жените до 25 години имаат право на бесплатни контрацептиви.