Во Федерацијата Босна и Херцеговина од денеска не се пуши на затворени јавни места, во јавниот превоз и во автомобилите каде што има малолетници, откако стапи на сила Законот за забрана за пушење на јавни места.
Сопствениците на угостителски објекти во кои најмногу се трошат цигари ќе треба на видливи места да истакнат знак „забрането пушење“, пренесува Независне новине.
Пепелниците и другите садови за складирање на пепел не смеат да бидат изложени во зградата, а пушењето е дозволено само во посебни простории наменети за оваа намена.