Бензините од ноќеска на полноќ ќе поевтинат, додека цената на дизелот останува иста, соопшти Регулаторната комисија за енергетика.
Малопродажната цена на бензинот еуросупер БС-98 се намалува за 1,5 денар и сега ќе чини 68,5 денари за литар. Малопродажната цена на бензинот еуросупер БС-95 се намалува за 1 денар, и според новата цена ќе чини 66,5 денари за литар.
Цената на дизелот и на екстра лесното масло за домаќинство не се менуваат, односно остануваат на 62 и 50,5 денари за литар.