Од пазарот во Србија се повлекува играчка за деца, има опасност од изгореници

Играчката на далечинско управување од марката PEPCO е повлечена од пазарот во Србија поради опасност од изгореници, се наведува на веб-страницата на системот за предупредување за небезбедни производи (НЕПРО).

Станува збор за играчка за далечинско управување на брендот PEPCO со име R/C CAR која наликува на пчела, бројот на моделот е SKU 596565, а баркодот е 2200159656563 и 2200259656593.

Наведено е дека играчката може да се прегрее и да предизвика изгореници или пожар.

Производот е спакуван во печатена картонска кутија, а земја на потекло е Кина.

„Потрошувачите се информираат преку веб-страницата и известувањата истакнати на продажните места за ризикот што го има производот, како и можноста за враќање на парите“, се наведува на веб-страницата на НЕПРО.

Следете го 4NEWS.mk на друштвените мрежи Facebook | Twitter | Instagram, како и преку нашиот Viber чет.
spot_img

Најважното