Претседателката на Косово, Вјоса Османи изјави дека Самитот на иницијативата Брдо-Бриони, што се одржа денеска во Брдо крај Крањ во Словенија, домаќинот, словенечкиот претседател Борут Пахор, како и другите учесници, едногласно порачале дека е крајно време Европа да ги укине Шенген-визите за косовските граѓани.
Во обраќањето пред новинарите по завршувањето на Самитот, што попладнево го пренесоа медиумите во Приштина, Османи изјави дека „Косово и натаму ќе остане рамноправна членка на Европската унија“ од Западен Балкан и нагласи дека „нема земја во ЕУ која … е против либерализацијата“.
Косовската претседателка ја најави и кандидатурата на нејзината држава за добивање на статусот на кандидат за членство во ЕУ.
-Косово и натаму ќе остане рамноправна членка на Европската унија … Нема земја во ЕУ која ни вели дека е против либерализацијата и сега е вистинскиот моментум. Косово го одбра евроатлантскиот пат и тоа го направивме свесно. На крајот на годинава ќе аплицираме за статусот на земја-кандидат, изјави Османи, порачувајќи дека нејзината држава го заслужува тој статус и треба да го добие час поскоро.
За Самитот во Брдо крај Крањ, на кој, меѓу другите, учествуваа и државните челници на другите земји од Западен Балкан, Османи рече дека има значајна улога за приближување на регионот кон ЕУ.