Во нападот во кој загинаа Петар Калуѓеровиќ и Драган Рогановиќ утрово во Цетиње, употребена е мина насочена со експлозив – (МРУД), покажаа првите податоци од истрагата.
Како што јави Телевизијата на Црна Гора, експлозивната направа најверојатно била закачена на дрво пред влезот на салата. Се верува дека е активиран со далечински управувач.
Да потсетиме, две лица загинаа во експлозијата што се случи околу 9:00 часот во близина на Спортскиот центар во Цетиње. Загинаа Петар Калуѓеровиќ и Драган Рогановиќ, а полициската управа со официјално соопштение наведува дека се повредени три лица.
Лекарот на болницата „Данило И“ во Цетиње, Предраг Милошевиќ ги потврди наводите за повредените. Повредените во експлозијата што утрово се случи во Цетиње се пренесени во Клиничкиот центар на Црна Гора.
Калуѓеровиќ починал на лице место, додека Рогановиќ им подлегнал на повредите.
