Макси Џез (Максвел Фрејзер), пејачот на британскиот бенд Faithless, почина на 65-годишна возраст.
Неговата поранешна колешка од бендот, сестра Блис (Ајала Дебора Бентовим) рече дека починал „мирно во сон“ во саботата навечер.
„Испраќам љубов до сите вас кои го споделивте нашето музичко патување. Грижете се еден за друг“, напиша таа на Твитер.
Maxi Jazz 1957 – 2022. We are heartbroken to share that Maxi died peacefully in his sleep last night. Sending love to all of you who shared our musical journey. Look after each other y’hear. 🙏💔 pic.twitter.com/4R88rg8Aza
— sister bliss (@thesisterbliss) December 24, 2022
Faithless се познати по сингловите како што се God Is A DJ, We Come 1 и Insomnia, топ 3 хит во 1996 година.
Во изјавата споделена на неговиот Инстаграм се вели:
„Тој беше човек кој ни ги промени животите на толку многу начини. Тој и го даде вистинското значење и порака на нашата музика. Тој исто така беше прекрасен човек, со време за секого и мудрост која беше и длабока и достапна. Бевме почестени и Се разбира, вистинско задоволство да се работи со него. Тој беше брилијантен текстописец, диџеј, будист, одлично присуство на сцената, љубител на автомобили, бескраен говорник, прекрасен човек, морален компас и генијалец“.