Дејвис куп репрезентацијата на Србија предводена од најдобриот светски тенисер Новак Ѓоковиќ денеска од 16 часот заминува на патување во популарната „салатара“ во Малага.
Очекувано, најголемата ѕвезда на завршниот турнир во Дејвис купот е во центарот на вниманието. Шпанските медиуми постојано го опседнуваат, па српскиот ас одговараше на бројни прашања поврзани со самата игра и постигнатите резултати, но и на некои кои немаат многу врска со самиот тенис.
Тој зборуваше и за својата величествена вила во Марбела каде често престојува со семејството.
„Тоа е еден од најубавите делови на светот. Го сакам фактот што сонцето е тука цела година и за тенисер нема многу подобри места кога станува збор за времето во Европа. За тенисерите, доаѓа Овде во различни делови од сезоната и годината е важно затоа што секогаш може да се игра тенис надвор. Ова е многу важно за почетокот на годината и за турнирите во Австралија“, откри Новак.
Домот на Новак Ѓоковиќ во монденското шпанско одморалиште Марбела го одзема здивот.
Новак стана сопственик на овој прекрасен имот и вила пред нешто повеќе од три години. Прво, српскиот ас ја изнајми оваа вила (на почетокот на пандемијата на корона вирусот), а потоа реши да стане нејзин сопственик. За вилата платил преку 10 милиони евра, објавија тогаш шпанските медиуми.
Вилата на Новак е опкружена со природа и планини, а терасата нуди спектакуларен поглед на морето. Има дури девет соби и осум бањи, надворешен и внатрешен базен и посебни области за рекреација и гости.
Покрај соби со билијард и пинг-понг, куќата има и кино сала и теретана.
Како изгледа сето тоа погледнете во видеото кое ексклузивно го направи Коријере:
Вилата во населбата Сијера Бланка зрачи со луксуз на секој чекор. Секако, има и тениски терени.
Овој имот е на пет минути од центарот на Марбела и има фантастичен поглед…