Пратеникот на Левица, Борислав Крмов во интервју на Канал 5 категорично отфрли можност тој и лидерот на партијата, Димитар Апасиев да гласаат за уставни измени и внесување на бугарското малцинство во Уставот.
„Се надевам дека никогаш нема да се случат. Што се однесува до нас, ние попрво би лежеле затвор отколку да кренеме рака за такво нешто. Алтернативата е таа, тоа ќе се одбие и ќе дојде нешто друго“, рече Крмов.
Тој повтори дека францускиот предлог е всушност предлог на Софија.
„Тој мораше да биде одбиен. Ние губиме 99 спрема 1“, кажа пратеникот на Левица.