Кремљ го поздрави тврдењето на Доналд Трамп дека Русија е „воена машина“ која ги победи францускиот император Наполеон Бонапарта и нацистичкиот лидер Адолф Хитлер, но рече дека тоа не влијае на попозитивниот став на Москва за поранешниот американски претседател.
Неодамна Доналд Трамп изјави дека во разговор со украинскиот претседател Володимир Зеленски оценил дека е неопходно да се стави крај на војната меѓу Русија и Украина.
Трамп изјави дека му рекол на Зеленски: „Се соочуваш со воена машина“. Така прават – прават војна. Ги победија Хитлер и Наполеон. Мораме да ставиме крај на оваа војна“.
Портпаролот на Кремљ Дмитриј Песков оцени дека за повеќето Американци би било корисно да ги знаат познатите страници од руската историја.
„Веројатно мал број обични Американци и претставници на таканаречениот политички естаблишмент добро ја знаат историјата на Русија“, рече Песков.
Песков додаде дека Трамп е претставник на американската политичка елита, која е изложена на тотално антируско расположение, пренесува Ројтерс.
„Кога Трамп беше претседател на САД, Американците воведоа огромен број санкции против Русија. Што се однесува до тоа, за нас Трамп не се разликува од никој друг“, рече Песков.
Тој додаде дека Трамп можеби покажува малку поголема политичка мудрост во однос на одржување канали за дијалог, но дека тоа нема посебно влијание врз ништо.