Кинескиот претседател Си Џинпинг денеска разговараше со високиот комесар на ОН за човекови права Мишел Бачелет, кој е во посета на Кина, пренесе АФП.
„Прашањата за човековите права не треба да се политизираат и инструментализираат или да имаат двојни стандарди за нив“, рече Си Џинпинг за Бачелет.
Состанокот се одржа во формат на видео-конференција по новите медиумски откритија за репресијата во кинеската област Ксинџијанг.
„Секоја земја има различна ситуација со човековите права и затоа различен пат за развој на човековите права, кој мора да ги исполнува националните услови“, рече тој за Бачелет.
„Нема совршена земја во областа на човековите права“, додаде тој.
Вчера, конзорциум од 14 странски медиуми објави документи за кои рекоа дека се добиени со хакерски напад врз полициските компјутери во Ксинџијанг. Документите ја расветлуваат ситуацијата на Ујгурите таму. Меѓу нив има илјадници фотографии кои се наводно направени во логорите за притвор на Ујгурите. На нив се прикажани лицата на многу затвореници, меѓу кои и жени, деца и возрасни. Документите, исто така, ја потврдуваат идејата дека во Ксинџијанг има ујгурска репресија по наредба на кинеските власти.
