Агенцијата за безбедност на храна на Босна и Херцеговина преку Системот за брзо предупредување за храна и добиточна храна (EU RASFF) била известена дека на пазарот во Босна и Херцеговина се доставени млечни чоколади со потекло од Полска, во кои биле пронајдени парчиња пластика. Чоколадото е направено од бисквитно тесто со потекло од Унгарија.
Информација за продуктот:
Име на производот како на етикетата: Milka Oreo
Производител/извозник: Mondelez Polska Sp. z o. o. Domaniewska 49, 02-672 Варшава, Полска
Производител на Oreo mrvica: Győri Keksz Kft., Holland fasor 8, 8000 Székesfehérvár, Унгарија
Категорија на производ: кондиторски производи
Рок на употреба: 18.08.2024 година.
Лот: OSK0934652
Тежина/волумен: 37 g
Пакување: фолија
Сите достапни информации за производот, во согласност со важечките прописи, беа доставени на понатамошна обработка до надлежните инспекциски органи во Босна и Херцеговина, од кои беше побарано да преземат мерки и да пријават назад до Агенцијата за безбедност на храна на Босна и Херцеговина.
„Известувањето се однесува исклучиво на производот со наведените податоци“, соопшти Агенцијата за безбедност на храна на Босна и Херцеговина.
