Претседателите на Летонија и Литванија повикаа на посилно присуство на НАТО во балтичкиот регион, јави ДПА.
Егилс Левитс и Гитанас Наузеда го упатија повикот во контекст на претстојната посета на германскиот канцелар Олаф Шолц на литванската престолнина Вилнус денеска.
Прашањето за распоредување на повеќе војници на источното крило на алијансата се очекува да биде разгледано на самитот на лидерите на НАТО во Мадрид подоцна овој месец.
„Самитот на НАТО во Мадрид мора да биде состанок за одлучување“, изјави за ДПА литванскиот претседател Науседа.
Летонскиот претседател Левитс изрази надеж дека посетата на Шолц на Вилнус, за време на која тој ќе се сретне со премиерите на Летонија, Литванија и Естонија и литванскиот претседател Гитанас Наузеда, ќе доведе до „конкретни предлози“ за зајакнување на источното крило на НАТО.
