Петти ден од потрагата по телото на девојчето Данка Илиќ (2). Полицијата со денови врши увид на повеќе локации околу Бор. Претресите се очекува да продолжат и денеска.
Директорот на Водовод во Бор, чии вработени се осомничени за убиство, поднесе оставка од морални причини. Се најавуваат и денови на жалост.
Во неделата во текот на претпладневните часови беше извршен претрес на Кањонот Лазарев и пештерата Лазарев, како и просторот покрај Злотска река.
Претходните денови детално беа прегледани дворовите на соседите и околните бунари.
На двајца осомничени за убиство на двегодишно дете им е одредена мерка притвор до 30 дена.
Двајца 50-годишни мажи од Бор се уапсени по 10-дневна потрага и детални проверки на сите индиции и информации. Под сомнение дека помогнале да се сокрие телото, уапсени се и братот и таткото на еден од осомничените.
Тие се товарат за кривично дело тешко убиство во соизвршителство. Еден од нив Д.Д.(40) од Бор, кој во саботата добил притвор до 48 часа, починал ноќта меѓу саботата и неделата во Полициското одделение во Бор, соопшти МВР.
