Во Македонија се уште има херои, односно добри луѓе кои се секогаш спремни за помош.
Таков пример е и Проект Среќа, од каде денеска на својот Фејсбук профил се појави порака до родителите кои не можат да си дозволат да купат училишен прибор за своето дете за в училиште, а не сакаат да ги растажат.
„Сите Вие кои душата ве боли затоа што немате средства да му го купите на вашето дете она кое му треба за во училиште, а не сакате вашето дете да знае за тоа, пишете ни. Вашата дискреција ќе биде загарантирана доколку самите немате желба да објавите. Ние Ве разбираме и сакаме да ви помогнеме за сите да бидете среќни! Среќни деца е нашата цел! Истово важи и за децата кои ќе добијат помош. На децата не им треба дополнителна траума. Затоа избегнуваме да објавуваме слики од оние на кои им помагаме. Освен ако семејството и детето не сакаат тоа сами да го објават. ПРИЈАВЕТЕ СЕ, ВАШАТА ШКОЛСКА ОПРЕМА ВЕ ЧЕКА!“, пишуваат од таму.