Жители на скопската општина Шуто Оризари денеска протестираа против, како што велат, систематското игнорирање на општината од страна на Советот и раководството на Град Скопје. Протестот започна кај паркот кај големата џамија во Шуто Оризари, а ќе заврши пред Град Скопје. Протестот се одржа под слоганот „Шуто Оризари – Заборавена општина!“.
Демонстрантите носеа транспаренти испишани со зборовите „Граѓаните на Шуто Оризари плаќаат даноци и комуналии“, „Реинвестирајте ги парите од граѓаните на Шуто Оризари во Шуто Оризари“.
„Очекуваме пораките, потребите и барањата кои ќе бидат пренесени пред Град Скопје да бидат сериозно слушнати и вметнати итно во градските политики на Град Скопје кои ќе бидат преточени во реализирани проекти во Општина Шуто Оризари и во сите скопски населби каде што живее ромската заедница“, соопштија организаторите.
Протестот беше организиран на денот на општината Шуто Оризари.