Русија тврди дека уништила противвоздушни системи произведени од САД кои биле распоредени во околината на Киев. Во исто време, Украина тврди дека уништила шест моќни руски ракети Кинжал. Ако првото тврдење е точно, тоа е првиот судир на моќното американско оружје со руското. Ако втората констатација е точна, тоа е уште една шлаканица за руската армија од почетокот на војната, со оглед на тоа што споменатите проектили беа претставени како гордост на руската воена индустрија во текот на претходните години.
Русија тврди: Го уништивме Патриотот
Руските воздухопловни сили ја искористија хиперсоничната ракета Кинжал за да го уништат системот за противвоздушна одбрана Патриот од американско производство, кој беше распореден во пошироката област на Киев, изјави денеска портпаролот на руското Министерство за одбрана Игор Конашенков.
Според неговите зборови, вооружените сили на Русија синоќа извршиле концентриран удар со прецизно оружје врз воени објекти во Украина. Системот за противвоздушна одбрана „Патриот“ е уништен со прецизно погодување на хиперсоничниот ракетен систем Кинжал, пренесе ТАСС зборовите на Конашенко.
Целта беа местата за распоредување на вооружените сили на Украина, магацини со муниција, оружје и воена опрема, вклучително и испорачани од западните земји, нагласи тој.
The occupiers wasted their overvalued missiles, none of them could hit the target.
When the first "Kinzhal" missile was shot down with the help of a "Patriot" complex, they did not believe it at first, until the journalists showed the wreckage. The Russians denied the obvious… pic.twitter.com/F0uKjatT8W
— NEXTA (@nexta_tv) May 16, 2023
„Целта на штрајкот е постигната. Сите одредени цели се погодени“, соопшти руското Министерство за одбрана.
За овие тврдења нема соопштение од Киев.
Украина тврди: Соборивме шест ракети Кинжал
Но, од Украина доаѓаат тврдења дека моќното руско оружје е уништено.
Главниот командант на украинската армија, генерал Валериј Жалузни, утринава се пофали дека нивните воздушни сили и воздушна одбрана ги пресретнале сите 18 ракети лансирани од руските сили кон Украина во текот на ноќта.
The Ukrainian Air Force says Russia launched 6 Kinzhal missiles from 6 MiG-31K aircraft, 9 Kalibr cruise missiles from the Black Sea, 3 S-400 or Iskander-M missiles, and 6 Shahed / Geran-2 drones over night, all of which were successfully intercepted.https://t.co/Cu9pZqA2MM pic.twitter.com/k58PEKr9bt
— Rob Lee (@RALee85) May 16, 2023
„Околу 3 часа и 30 минути, на 16 мај 2023 година, руските окупатори ја нападнаа Украина од север, југ и исток со 18 ракети од различен тип, лансирани од воздух, од море и од копно“, објави Жалузни. додавајќи дека неговите сили пресретнале и собориле шест аеробалистички ракети Кинжал Кх-47М2 лансирани од шест авиони МиГ-31К, девет крстосувачки ракети Калибр лансирани од бродови во Црното Море и три проектили лансирани од земја (С-400, Искандер-М) .
https://twitter.com/Igor_From_Kyiv_/status/1658360548918980609?ref_src=twsrc%5Etfw%7Ctwcamp%5Etweetembed%7Ctwterm%5E1658360548918980609%7Ctwgr%5E3d60e20c178e588a436aa5fc41021946e5a90e63%7Ctwcon%5Es1_&ref_url=https%3A%2F%2Fnova.rs%2Fvesti%2Fsvet%2Fprvi-direktan-okrsaj-najjaceg-americkog-i-ruskog-oruzja-se-upravo-desio-u-ukrajini-a-rezultat-je-totalna-misterija%2F
Тој изјави и како „непријателот нападнал со беспилотни летала Шахид-136/13 и се обидел да изврши извидување од воздух со помош на три тактички беспилотни летала“.
Сите беа уништени“, задоволно изјави Жалузни.