Претседателот на Русија Владимир Путин одржа јавен говор на стадионот „Лужники“ во Москва, во кој го пофали „единството на земјата за време на специјалната операција во Украина“.
„Нашата земја не видела такво единство долго време. Токму ослободувањето на луѓето од страдањето од тој геноцид е главната, основната причина и мотив и цел на воената операција што ја започнавме во Донбас, Украина. Токму тоа е целта“, рече Путин.
Тој вели дека суштината е дека единството е универзална вредност за сите народи и претставници на сите конфесии во Русија.
„А најдобра потврда е како нашите момци се борат во таа воена операција. Такво единство немавме долго време “, додаде Путин.
За време на неговиот говор имаше и гаф затоа што државната телевизија му го преполови говорот, а објави и претходна снимка на која посетителите на стадионот пеат руски песни кои на сцената ги изведува рускиот музичар Олег Газманов.
https://twitter.com/KevinRothrock/status/1504812728636088335?ref_src=twsrc%5Etfw%7Ctwcamp%5Etweetembed%7Ctwterm%5E1504812728636088335%7Ctwgr%5E%7Ctwcon%5Es1_&ref_url=http%3A%2F%2Fwww.rtcg.me%2Fukrajini%2F355890%2Fputin-nasa-zemlja-nikad-nije-vidjela-ovakvo-jedinstvo.html
Набргу потоа, говорот на Путин беше објавен од почеток, а по говорот кој траеше пет минути, рускиот претседател ја напушти сцената, пренесува „Гардијан“.
Портпаролот на Кремљ, Дмитриј Песков, изјави за новинарите дека прекинот дошол поради „техничка неисправност“.
Собирот на најголемиот руски стадион беше организиран по повод осумгодишнината од руската анексија на Крим, но многу говори беа фокусирани на актуелната ситуација во Украина.
Меѓу насобраните, од кои според московската полиција имало над 200.000, доминирале руски знамиња на кои се гледала буквата „З“.
Тој збор стана симбол на поддршка за руската инвазија на Украина.