Рускиот претседател Владимир Путин потпиша указ „За визни мерки во врска со непријателски дејствија на странски земји“. Причината за таквиот документ е „преземање итни мерки како одговор на непријателските дејствија на Европската унија“, пишува ТАСС.
Русија суспендира голем број клаузули во договорите за визно олеснување со ЕУ, Норвешка, Данска, Исланд, Швајцарија и Лихтенштајн.
Посебно, претседателот одлучи да суспендира одредени клаузули од Договорот меѓу Русија и Европската заедница за олеснување на издавањето визи за руските и граѓаните на ЕУ, со важност од 25 мај 2006 година.
Со ова се укинува поедноставената процедура за аплицирање за повеќекратни визи за една година за официјални делегации и новинари, како и визи за повеќекратни влезови за пет години за членови на националните и регионалните влади, парламентите и судовите.
Дополнително, укинати се и визните за официјални делегации и членови на влади и парламенти, како и безвизниот влез за имателите на дипломатски пасоши.
Путин му нареди на Министерството за надворешни работи да воведе лични ограничувања за влез во Русија на странци и лица без државјанство кои извршиле непријателски дејствија.