Пудингот е вид на сладок десерт кој се добива со готвење брашно, јајца, гриз и путер во млеко на пареа. Како десерт е многу популарен во Англија но и во други земји низ светот. Во денешно време најчесто се подготвува инстант пудинг „од кесичка“. Но, доколку сакате поздрава варијанта за вашето семејство, но подеднакво кремаста и вкусна, подгответе го рецептот подолу.
Состојки:
- 2 банани
- 2 авокадо
- 1 лажица мед
- 100 мл грчки јогурт
- 4 лажици какао
Подготовка:
Излупете ги бананите и исечете ги на мали парчиња. Исто така исчистете го и исчистете го авокадото. Овошјето ставете го во блендер, додадете мед, какао и грчки јогурт. Измешајте сè додека смесата не стане кремаста и компактна. Истурете во чинии, изладете и послужете со овошје.
