Рибар со хеликоптер бил префрлен во болница откако бил каснат од сина ајкула на околу 160 километри од брегот на Португалија.
Рибар (35) од Индонезија се опоравува во болница по инцидентот западно од Вила до Конда. Во моментов не се знае како нападнала ајкулата, но можно е животното да е одвлечено на бродот со рибарска мрежа, јавува N1 Загреб.
Нападот се случил во средата на 16 август, по што на рибарот бил испратен спасувачки хеликоптер на морнарицата. Мажот нешто пред полноќ бил пренесен на аеродромот во Порто, а моментално е во стабилна состојба.
Нормално, сините ајкули не се познати по тоа што напаѓаат луѓе, а во овој случај можеби е затоа што тој бил во неволја.
Веб-страницата British Sea Fishing наведува: „Нападите на сина ајкула врз луѓето се исклучително ретки, но се забележани. Севкупно, ширум светот, има четири потврдени случаи на фатални напади на сина ајкула врз луѓе со 25 потврдени нефатални напади.