Новиот хуманоиден робот, производ на британската компанија „Engineered Arts“, е „опасно“ сличен на човек и е способен да демонстрира преку речиси реални човечки изрази на лицето.
Компанијата вели дека Амека е „совршена платформа за хуманоиден робот да комуницира со луѓе и роботи“. Во снимката, објавена на Јутјуб, се гледа роботот во „акција“ и докажува дека тврдењата на компанијата не се претерани.
Сивата машина е слична на ликовите од филмот „И, робот“ и може да прикаже низа човечки емоции придружени со реални движења на очите.
Се чини дека овој случај е програмирана демонстрација, каде што Амека се буди, потоа љубопитно и гледа во рацете, а потоа изгледа изненадено кога ќе забележи дека ја снимаат.
„Емотивниот“ робот е веќе достапен за купување и изнајмување. Моментално е во форма на стационарен модел, но програмерите планираат да го подобрат, па ветуваат дека „Амека еден ден ќе оди“.