RT AMERICA ќе престане да работи и ќе отпушти поголем дел од своите вработени, се вели во писмото од T&R Productions, продукциската компанија која стои зад руската државна мрежа.
Во писмото до вработените, Миша Солодовников, генерален директор на T&R Productions, рече дека компанијата ќе „престане да работи“ на сите свои локации „поради непредвидени настани“.
„За жал, претпоставуваме дека ова ќе биде траен прекин на работниот однос“, додаде тој.
Компаниите ја прекинаа соработката
T&R Productions имаше канцеларии во Њујорк, Мајами, Лос Анџелес и Вашингтон. Престанокот на T&R значи и крај на американската филијала на RT, пишува CNN.