Американскиот снимател Брент Рено е убиен во предградието на Киев, Ирпин, објави началникот на локалната полиција.
Во нападот бил повреден неговиот колега со кој бил во автомобилот. Се појави снимка од болницата на која се гледа ранет новинар, кој тогаш не знаел дека неговиот колега е убиен.
– Можете ли да ни кажете што се случи? – го праша медицинската сестра, а тој почна да зборува:
– Го минавме првиот мост во Ирпин и отидовме да ги снимаме бегалците. Не поврза некој, кога поминавме на пунктот и почнаа да пукаат кон нас. Возачот се сврте. Јас и Брент бевме внатре. Тој беше погоден. Не знам како е. Тој остана таму. Беше погоден во вратот. Не знам како е. Не разделија …
Вознемирувачко видео:
https://twitter.com/hugeglassofmilk/status/1502993344070361090?ref_src=twsrc%5Etfw%7Ctwcamp%5Etweetembed%7Ctwterm%5E1502993344070361090%7Ctwgr%5E%7Ctwcon%5Es1_&ref_url=https%3A%2F%2Fwww.24sata.hr%2Fnews%2Frusi-ubili-americkog-novinara-jeziva-snimka-kolege-iz-bolnice-ne-znam-kako-je-upucali-su-ga-821911
Убиениот Рено е наградуван снимател кој е во бизнисот повеќе од 20 години.
Работел со својот брат на различни проекти во Авганистан, Египет, Ирак и Либија. За својата работа има добиено бројни награди, а за неговите филмови се зборува и во познати списанија како Rolling Stone, USA Today.Тој и неговиот брат Крег се основачи на филмскиот фестивал „Little Rock“.
Иако првите информации беа дека е убиен вработен во Њујорк Тајмс, компанијата се огради од тоа.
Response from a New York Times spokesperson in regard to the death of Brent Renaud in Ukraine. pic.twitter.com/K11eW685yr
— NYTimes Communications (@NYTimesPR) March 13, 2022
– Длабоко сме погодени од веста за смртта на Брент Рено. Иако работеше со нас долги години, тој не беше наш известувач во Украина. Првата вест дека е убиен новинар на нашиот медиум дојде затоа што ја носел нашата прес-картичка издадена пред неколку години – пишуваат од компанијата.