Само неполн месец откако државата се задолжи со една милијарда евра преку издавање на еврообврзница, Владата повторно ја разгледува опцијата за нов заем. На една од последните седници, министрите дискутирале за информација за потенцијално задолжување на меѓународниот пазар на капитал во износ до 300 милиони евра.
Историски рекорд: Долгот надмина 10 милијарди евра
Оваа најава доаѓа во момент кога финансиските показатели за 2025 година палат „црвен аларм“. На крајот на минатата година, јавниот долг на Македонија за првпат во историјата ја надмина границата од 10 милијарди евра.
Со ова, задолженоста на државата повторно се доближи до критичната граница од Мастрихт.
- Сооднос: Долгот сега изнесува 59,6 проценти од Бруто домашниот производ (БДП), што е на самиот раб од границата од 60 проценти.
Експлозивен раст за 15 години
Анализата на податоците покажува дека државата бележи континуиран и значаен раст на долгот во изминатата деценија и половина.
„Во 2010 година јавниот долг изнесувал само 1,9 милијарди евра, што значи дека во период од петнаесет години се зголемил за над осум милијарди евра“, покажуваат статистиките.
